الحمد لله يوم سوه تعداك

محمد بن نايف عسى اللاش يفداك
وعسى المصايب كلها دون تخطيك
الله وانا ساله يحفظك وياقاك
وتبقى ذخر للي يحبك ويغليك
والحمدلله يوم سوه تعداك
الله على طول الليالي يعافيك
واللي يفكر لويبي يوم يبلاك
ابشرك دونك رجال تفاديك
آمر وحنا يا ابيض الوجه يمناك
الشعب كله واضع يديه بيديك
ازريت اعدد سيدي وش مزاياك
درع الوطن مالك ثمن دون تشكيك
انت السياسي والمحنك سجاياك
انت الابو وانت الاخو في تفانيك
من صكته بقعا من البعد ينصاك
أصل المروه سيدي كلها فيك
كم راس طفل تمسحه لاعدمناك
ولا الارامل بعد ربي تناجيك
مهما ومهما حاولو شرذمة ذاك
الخاين اللي حاول بيوم يوذيك
الله يعز اللي على الدين رباك
اللي لفعل الخير دايم يوصيك
ابوك نايف خاب من هو تحداك
من وين يلقى قلب يقبل تحديك