الهوى مفضوح

عسى الجرح الأول لا سلم يسلم الثاني
دهاني طويل العنق واظهر خفايا الروح
جروح ابنساها وهي ما تناساني
اجاوب حمام الورق من فوق خضر الدوح
عليه ازعج الاصوات ويسد ماجاني
هموم على قلب المعذب تجي وتروح
زمان المحبه بين الاضلاع كواني
زمان وهجر وافراق تكفى يابو ممدوح
ترا صاحبك ولهان وولهان وولهانى
اقاسي زمان الهجر من صاحبي وانوح
عسى الله يجافي صاحبي كيف يجفاني
قليل الوفا ماله من معاندي مصلوح
وانا قلبي الاقشر عجز عنه ينهاني
اشوف الطريق اللي على غيرهم مفتوح
واروح لطريق صاحبي معه وداني
اسير قدم رجلي على حيهم واروح
عساني اشوف اللي على الحي وداني
غرير تجاهلني وسر الهوى مفضوح
ابكتم الى جيته تنبيه الاعياني
تعذبت في دنياي من صاحب مملوح
عطاه الله وكمل ولا فيه نقصاني
عسى من يلوم مولع والهوى مسموح
يشوف المذله في زمانه وينهاني
سعود صنهات الدعجاني