الهجر مبحوح

سافرت وبروق الشقئ فوقي تلوح
لين امطرت من عيني ادموع ودان
قربك علاج القلب واغيابك اجروح
ونا على قربك وشوفتك ولهان
اتبع دروبك وين ما رحت و اروح
على دروبك واخر الدرب حرمان
ناديتك بصوتٍ من الهجر مبحوح
يكفي حبيبي منك صدً وهجران
صوتك دوا اللي من قسى الوقت مجروح
يا حظ من سمعْك وشافك بالاعيان
انا اشهد ان الحزن راعيه مفضوح
تبين في وجهه تقاسيم الاحزان
يا صاحبي حبك نبت داخل الروح
حتى كبر واصبح مع الوقت بستان
في وسط قلبي لك بنايات وصروح
ولك في سماء روحي ترانيم وألحان
بيني وبينك فالهوى جد وأمزوح
لوكان مزحك جد في بعض الأحيان
رحيلك أشقاني ولنته ب مسموح
ارجع ترا قلبي على الوصل شفقان
مروان الجعفر الشمري