معي وضدي

قل لي وش اللي صار مني حبيبي
أمسٍ معي واليوم يا زين ضدّي
قسيت في حكمك ولا نتب مصيبي
أخطيت في حقي وماجا يسدّي
عذبتني وخليت راسي يشيبي
ومن غلطتك أشوف أنا باح سدّي
من سبتك عايش بقلب عطيبي
وعيني كثير ادموعها فوق خدّي
ياما سهرت وللكواكب رقيبي
وبهجرك وصدّك علينا تردّي
وأنا أدري إن العيب لا شك عيبي
يوم إني بحبك تجاوزت حدّي
حطيتك إلقلبي حبيب وطبيبي
ولجلك لكل الناس نفسي تردّي
أرخصت خلاّني ومن هو قريبي
كله على شانك وحقي تصدّي
لكن بسيطه رح بدربك حبيبي
ولا تفكر إنك لي تعود وتردّي
خلاص أنا ما بيك هذا نصيبي
إبعد وأنا أبعد ما وصلني يسدّي