صرتي والأمل كذبة

أنا ما أخطيت في حقك ولو زدتي زعل وعناد
تراني حافظ نفسي وأداري جرح خلاني
صحيح إني أحبك بس هذا وش نفع أو فاد
تماديتي بتجريحي وصدك حيل أشقاني
تحملتك وصار القلب لأفعالك وطن وبلاد
وقلت ف«يوم» تتعدل أحاسيسك وتهواني؟!
وأشوف انه مع الأيام صدك والهجر يزداد
تغيرتي وقلبك صار يقسى ويتحداني
وهبتك كل ما أملك يجود الوقت أو ما جاد
عطيتك ما بخلت ف يوم شوفي دم شرياني!!
صبرت وقلت أنا يمكن يجي لهذا الأمل ميلاد
وصرتي والأمل كذبه رسمتوا لوحة أحزاني
تحاصرني مشاريهي تقود القلب وما ينقاد
عزيت اليوم عن حب على الحقران يحداني
وأنا رجل إذا أقفيت ما يعلم به النشاد
عن دروبي إذا صديت سلمي وسلم جداني؟!
رخيت الحبل من شأنك وزدتيني دلع وعناد
وأنا الغلطان وأعلنها: أقول حقي وما جاني..!!