ورقة قديمة

ما عاد باقٍ فيه غير الصياحي
كنه على غصنٍ من السدر يلويه
والاّ يهذا في شطير السلاحي
على عشيرٍ كلما حل طاريه
يودع صناديق الضماير لياحي
بيّن لي الجفوا وانا مشفيٍ فيه
اشفاية الظامي لشرب القراحي
حلفت ما ابيعه وانا العام شاريه
اقع تحت صم الصفايح مراحي
ياكود من علمٍ يغيضن ويرضيه
والخوف من يمه يهج الرواحي
ودّه يواجهني وانا ودّي اجيه
والكل منا ابعدته المشاحي
ابو ثمانٍ كالبرد بين اشافيه
عذبات عن كثر التبيّن شحاحي
راعي ذليقٍ فوق الامتان كاسيه
وقيوصراته مثل ريش المداحي
أو زبرجان صافي السيل يسقيه
هبت على ركنه هبوب الرياحي
عديت عن وضاح الانيابي لا اجيه
كما اجرب ٍ عد عن ابلٍ صحاحي
سرور الأطرش