تجري بنا الدنيا على كل ساحه مع السلامة ياشهر واحد وراح واثنين يتبع واحدٍ في مراحه والثالث ايضا يتبع اثنين مرواح والرابع وخمسه سرت في جماحه والسادس يعدّي على الكل ونزاح معهن شهر سبعة يسجل مطاحه والثامن اقفا من حساب السنه طاح والتاسع اللي ذايقينٍ قراحه رايح شهر تسعه به افراح واتراح واتبع شهر عشره به العيد واحه واحدى عشر معهن توارى بالافلاح تطرح من اعمار الاوادم طراحه وبإثنا عشر حنا سنه كلها كفاح تطير منا مثل طاير وشاحه مضت وعدت باليالي والاصباح تجرد من الاحباب وتِنزح نزاحه واصحاب تتغير مع الوقت بجراح ويجي صديق بكل فرصة متاحه وبعض البشر صارت نواياه ياصاح عاكس وقوفه بالشهور انبطاحه ياشهر ذي الحجه تراك اخر امراح وبعدك شهر واحد انجدد كفاحه اسف بذى الحجه من الوقت لا لاح اذا مضي مني غلط وارتجاحه اذا انا مخطي على انسان سماح ابيه يسمح لي وابطلب سماحه ضايقته بحاجه وبداخله ناح ولا جرحته جرح زود جراحه ولا غضب مني وانا كنت مزاح ابي السموحه منه تاتي براحه واشكر ثلاثه عدهم عد وضاح الاول اللي حط قدري مساحه وثاني احترمني بالصعايب والافراح ويكن لي تقدير عز ومراحه والثالث اللي داعين لي بالانصاح يدعي بها لي عند ربي فصاحه وانا مسامح لي ثلاثه ومرتاح اغتابني في شوكةٍ من طلاحه واللي شتمني بالجرئه وكساح واللي يسيء الهرج فيني لواحه سامحتهم لله لو كان فضاح لو كان بالغ بالرمايه سلاحه حنا بها الدنيا كما شخص فلاح واسئل ولي العرش يرسل فلاحه على زروعٍ نحتريحها بالاكداح اللي ثمرها طاعة الله نجاحه وانه يبلغنا شهر حج وافراح واعوام تاتي بالعفوا والرجاحه واعمال مقبوله تسجل بالالواح وتطهر القلب المعلق جناحه من كل حقد وغل بالقلب سداح متمثنين يقذف علينا رماحه ما فقد ولا مفقود مقبل وسراح وعسى لنا في كل قلب استراحه والعافيه نرجيك بابدان وارواح واطلبك تغنينا بصافي قراحه يا غافر الزلات تجعلنا ماح يمحا لنا عثرات عمر وبجاحه واستغفر الله كان بالهرج طفاح واستغفر الله واطلبه بانشراحه خالد سليمان الجريش
