حكامنا آل سعود ساس العروبة

خبر وفاة الفهد يوم أعلنوبه
يوم علينا سيئ لا عاد من يوم
كلٍ من الفجعه ينفض جيوبه
كم واحدٍ مذهول ويطيح ويقوم
غاب الفهد رمز العرب والعروبه
ولا عندنا إلا قول عساه مرحوم
يا الله يا معبود تغفر ذنوبه
مأواه بالجنة من النار معصوم
الموت حق نقول يا الله توبه
غصبٍ على الإنسان والأجل محتوم
غاب النجم وأقول ساعة غروبه
أحزان بقلوب المخاليق وهموم
نجمٍ تعلا في سماه ودروبه
غابت نجوم وباقي أقمار ونجوم
وبعده حكيم الرأي يوم أنتخوبه
عبدالله الغالي علاقات وعزوم
عبدالله اللي تنظر الناس طوبه
بعيون يملاها الولاء حب مرسوم
نحذى على حذوه ونتبع أدروبه
راع الوفاء والخير ما هوب محروم
من الأسرة اللي للجميع محبوبه
والحب يجري بين حاكم ومحكوم
قائد وقدوة والجميع اقتدوبه
والحب له مقسوم والخير مقسوم
هبت هبوب الشيخ هبت هبوبه
وحرٍ على روس الطويلات صاروم
ملك وطن عز الوطن وأفخروبه
خادم بيوت الله والشعب مخدوم
الحاكم اللي تفتخر به شعوبه
عز البلاد يدوم والعدل بيدوم
وسلطان والي عهد يوم اعتزوبه
له حب بقلوب المخاليق مختوم
سلطان لا جاء بالمواقف صعوبه
حلالها فتالها سيد القوم
حكامنا آل سعود ساس العروبه
لطف وعطف بشعوبهم شيء معلوم
موحد بلاد الخير دربه مشوبه
في عهدهم ما واحدٍ صار مظلوم
الخير كل الخير والله سعوبه
غير الوفاء والجود شجعان وقروم