ما كل ما يكتب يوفيه قدره

يالموت والله لو لنا فيك قدره
انك فلا تاخذ عربين الانساب
اللي لهم عند الملمات جسره
وبالراي والحكمة يحلون الانشاب
ريف الضعيف وللمظاليم نصره
عند المواجب مالهم ماله حساب
لاشك حطك والي العرش عبرة
كل الخلايق لك يدنون الارقاب
ومن حل يومه مالقى فيك دبره
يحتار فيك امهر خبيرين الاطباب
مات الفهد واستبدل القبر قصره
يقطعك يا دنيا الفنا مالك اصحاب
ودي اعبر مير في الحلق عبره
ومشاعري عيت مع الحبر تنساب
ما كل ما يكتب يوفيه قدره
وما قدمه يلقاه له ستر وحجاب
اسألك يامولاي تنوير قبره
وفي جنة الفردوس له قصر واحباب
ويا لله يا خالف على ايوب صبره
تحفظ لنا حكامنا فرع واصلاب
سيروا وحنا للمعادين عثرة
وانتم سيوف العز وانا لها انصاب