الله لا يحرمك أجر يوم الاثنين

فرحت شعبك فرحةٍ ما حسبوبه
على طلوع الشمس خير وملايين
غيث نزل بالليل تباشرو به
غيث مغيث عم الاقصى والادنين
من جود جودك ربعوا ونعمو به
رشيت اكبود ايتام ورمل ومساكين
عساه لك عند الولي دفع خوبه
خففت حمل اللي عن الحمل عجزين
شفت وسمعت إن بالمعيشة صعوبه
أثرك سهير العين والناس نيمين
تسعى بشيء هم ما فكرو به
حرصٍ على إسعاد المواطن من إسنين
واليوم جاد الغيث ومطر إنْصوبه
شعبك إمطيع لك على العسر واللين
ودرب مشيتو به رضوه ومشو به
ولاهم شعبك هرج ناسٍ مغرضين
أكبر دليل إمبايعتهم إعجوبه
واليوم أمن وخير والشعب راضين
يدعون لك عسى مهيب امحجوبه
لعل ما قدمت لك بالموازين
في ساعة يذهل حبيب إمحبوبه
وصلوا على المبعوث خير النبيين
إعداد من بالبيت طافوا وسعو به