نايف فراقه فجيعه

بآخر شهر سبعة ثلاث وثلاثين
بعد أربع أميه وألف جانا فجيعه
فجيعةٍ على جميع المسلمين
ضاقت علينا من سببها الوسيعه
فجيعةٍ هزت قلوب الملايين
حزن لها الشعب السعودي جميعه
فجيعةٍ عمت للأقصى والأدنين
فقدان ركنٍ من حصونٍ منيعه
فقد الزعيم اللي يساند هل الدين
حبيبنا نايف فراقه فجيعه
شيخ الشيوخ ابن الملوك العزيزين
عساه في جنات عدنٍ رفيعه
شيخ الشيوخ ومزبن المستغيثين
حبه طبع بقلوب شعبه طبيعه
ما ينّسي لو مرت أيام وسنين
دايم مكانه بيننا بالطليعه
نعزي أنفسنا بالأقدار راضين
والتعزية لمحكمين الشريعة
نرجى من الله ربنا قولوا آمين
عسى النبي يوم القيامه شفيعه
محمد بن ناصر العريني