فراقه فجيعة

بآخر شهر سبعة ثلاث وثلاثين
بعد أربع اميه وألف جانا فجيعه
فجيعةٍ على جميع المسلمين
ضاقت علينا من سببها الوسيعه
فجيعةٍ هزت قلوب الملايين
حزن لها الشعب السعودي جميعه
فجيعةٍ عمت للأقصى والأدنين
فقدان ركنٍ من حصونٍ منيعه
فقد الزعيم اللي يساند هل الدين
حبيبنا نايف فراقه فجيعه
شيخ الشيوخ ابن الملوك العزيزين
عساه في جنات عدنٍ رفيعه
شيخ الشيوخ ومزبن المستغيثين
حبه طبع بقلوب شعبه طبيعه
ما ينسى لو مرت ايام وسنين
دايم مكانه بيننا بالطليعه
نعزي أنفسنا بالأقدار راضين
والتعزيه لمحكمين الشريعه
نرجي من الله ربنا قولوا آمين
عسى النبي يوم القيامة شفيعه
الشاعر/ محمد بن ناصر العريني