في وفاة الزعيم فهد بن عبدالعزيز الله يطيب ثراه احسن الله عزانا بالمصاب الجسيم شعب الاسلام كله احسن الله عزاه عم جو السعودية من الحزن غيم يوم جانا من الديوان علم نعاه صبح الاثنين خيّم مثل ليلٍ بهيم كل سعودي ظهر حزنه بوجهه واساه كل ابونا ذهلنا من الصغير الفطيم للكبير المسن اللي يقوده عصاه كيف والفقد غالي والمودع حشيم المحاني فراشه والضماير غطاه نعشق اسمه ربينا في وداده نهيم الله اللي طبع بقلوب شعبه غلاه المساكين والفقرا ضعيف ويتيم والارامل ومقطوع الرجا هو رجاه ناصر الحق منهاج العدل مستقيم حسب شرع الله اسس له كيان وبناه شهم وافي سموح ابيض ايادي كريم كل مسلم بحاجة مد يلقى عطاه كم عن شعوب منضامه رفع كل ضيم ما عليها اختلاف ويشهدون اقصراه بالنوايب صبور وبالشدايد حليم قاسيات المصايب ما تلاحق مداه راجح الراي في صعب المواقف حكيم يوم ضيعات الاريا ما يضيع ارياه الشجاع المحنك الفطين الفهيم لو تشابه بغيره ما عليه اشتباه درع الإسلام ذخر العرب عوق الخصيم فزعة اللي صعيبات الامور تحداه بساعة ينقض الملزوم عهد اللزيم عهد ابو فيصل اليا جا لزومه وفاه خدمة بيوت رب البيت شان عظيم اولوية حياته في مسار الحياة مير يالله يا رحمن وانت الرحيم ارحمه وارضى عنه ونوّله مبتغاه ادخله يا جليل الملك جنة نعيم مع رسول الله وصحبه وغر الجباه مسلمين وعرب مصابنا بالصميم نحمد اللي ما يحمد في مصيبة سواه لكن انا عزانا بالمصاب الأليم العوض بابو متعب سدد الله خطاه مبايعين ابو متعب والعهد من قديم حنا شعب الولا وآل السعود الولاه بيعة بالولاء على الطريق القويم على سنة رسول الله ومنهج هداه يا إلهي طلبناك ورجانا تديم عز من عز دينك يالعزيز وحماه
