على وين؟!

يا مسافرينن فالاجازه على وين؟
كل لي يقول أنا مسافر سياحي!
والديرة اللي حكمها بالقوانين
والكفر والعصيان فيها مباحي
عنها تكفينا بلاد المصلين
دار الشهامة والوفاء والفلاحي
اللي بها القرآن والخلق والدين
ديرة هل العوجا طوال المشاحي
دار الكرام اللي مع الشعب وافين
والخير فيها عم كل النواحي
دار الملوك اللي على النهج ماشين
ومنهاجهم يعط القلوب انشراحي
نهج الإمام اللي رجح بالموازين
وأسس كيانٍ فاق كل النجاحي
يا كثر ماحنا لشوفك محبين
يا ديرة الاخلاص دار السماحي
الله يعديها شرور المغلين
اللي عسا الها من شاقهم كفاحي
شرذمة التكفير ناسن شقيين
اهل الخطاء اللي يدعون النصاحي
وشلون بالله في بلاد الحرمين
وانتم أهلها تشهرون السلاحي
يا الله يا منش السحايب بعد حين
اللي بها الرعاد والبرق لاحي
برضاك يالمعبود واسماك راجين
تحمي ديار مخضبين الرماحي
دار السعود مدلهين الغريبين
عسا الأمن يضفي عليها الجناحي
محمد بن زبن المقاطي /شقراء