لوعة فراق

يا صاحبي من عقبك القلب ملتاع
ومن لوعته خطرٍ توقف عروقه
من يوم والله بيننا صار مناع
والشمس غابت عقب باهي شروقه
حسبي على وقت جزاني بالأوجاع
أشكيه للِّي عالمٍ عن فروقه
لا شك أنا مالي مع الناس مطماع
بغيرك ولو قلبي شكا منك عوقه
وشلون أحيد وهاجسي فيك جماع
والروح دايم صوب وصلك شفوقه
لو طاوعت نفسي رفض قلبي إقناع
يا كيف يقنع وانت شوقه وذوقه
ما دام باب الصبر لي فيه مطلاع
ما همني دنياي لو هي بيوقه
مهما قسى وقتي عليّ ردت الصاع
والله ما أنسى من كوتني حروقه
عهداً علي ما دامني حي ما ضاع
دين الزمن لا بد ما أوفى حقوقه