مع السلاااامة

وارجوك لا تطلب من القلب ينساك
أنا سفير الحزن مدري سفيرك
مدري أنا وشلون قلبي بلياك
صحيح شفت الويل وأبكي هجيرك
بس المصيبة عيّت الروح تجفاك
خطاي اني كنت أنا أعشق غديرك
والمشكلة قلبي تعذّب يبي ماك
قد قلت لي انك ما تخالف عشيرك
وقد قلت لك كلي ترى فدوة رضاك
وانا وعدتك دوم أبقى خشيرك
إلا مع النسيان ما نيب ويّاك
كنت اعتبر نفسي معك واستشيرك
وشفاي ما تضحك قبل ضحكة شفاك
وكنت اترك اللي من كلامي يثيرك
واحقد على غيري إلا منه ابكاك
ان عوّدت للحب اسأل ضميرك
من هو جفا كل المخاليق واغلاك
وان عودت للشوق.. الله يجيرك
وصلت انا من زايد الشوق لاقصاك
أهديتك اللي ما عطيته لغيرك
واهديتني صدّك وبعدك وفرقاك
مع السلامة.. كثر الله خيرك
وأوعدك اني لآخر العمر ابهواك
مفرح الشتوي