الشعب كله بالسلامة يهنيك

يا كبر فرحتنا ويا سعدنا فيك
يا خادم البيتين يحفظك مولاك
من كل شرٍ يا أبيض الوجه يحميك
آمين ويطول بعمرك ويرعاك
الشعب كله بالسلامه يهنيك
عافاه ربي يوم بالخير عافاك
كنه قبل رب المخاليق يشفيك
هو العليل ويشتكي لاجل شكواك
يوم انجلى عنك الخطر بأمر واليك
والشر زال وبالتباشير شفناك
تباشرن فيك النواظر تراعيك
وكنك تقول ببسمة في محياك
انا بخير يا عسى الخير يكسيك
ومن الفرح بدموع الافراح هناك
شعبٍ على روحه يحبك ويغليك
وأغلى من عيونه وبالروح يفداك
شعبٍ على صدق المشاعر مصافيك
وفاه يكبر وأنت تكبر عطاياك
شعبٍ يبيع العمر لأجلك ويشريك
أقوى وأحد من المهند بيمناك
شعبٍ رفعته فوق الامجاد بيديك
محداً يلومه فيك لومات لرضاك
هذا ولا حتى بالأرواح نوفيك
حقك ولا ترجي من الشعب يجزاك
تبغي الجزاء من والي العرش يجزيك
اللي لنا يا قايد العرب نجاك