سلمان الرياض

كل ما هوجست ابكتب بيوت من القصيد
المشاعر تنتحي للشهامة والشهم
راس سلمان العرب كان تبغون الوكيد
حايش مجد الوفا ورث جد وورث عم
القوافي تفتخر به عسى عمره مديد
شيخ نجد المتصف بالصخا روح الكرم
كل ما أني قلت سلمان قال الشعر عيد
يبدع الشاعر ويسبك بيوته لا نظم
كيف ابحصي ما فعل من قديم ومن جديد
لو اعدد كل ما انجز لنا نشف القلم
له جهودٍ واضحة والفعل فعلٍ مجيد
عاصمتنا الغالية اعتلت فوق القمم
لبس رياض الغلا عقد من لولو فريد
وارتبط تاريخها باسم سلمان العلم
من يزور العاصمة انبهر واصبح يشيد
مجلس التطوير بأفكار سلمان التزم
فالأيام القادمة ينطلق خط الحديد
المواطن بأم عينه يشوفه ما حلم
لا نوى سلمان يفعل وله راي سديد
والنعم يا بوفهد الملا قالوا نعممبارك بن سعد