جيبي لحون وغردي يا حمامة لجل(الرياض)اليوم صغنا القصيده الدار يفخر في فعايل امامه والدين راسخ والحكومة رشيده بيت بليا ساس ما سرع هدامه ما تنفع الجدران ويا حديده أقولها وأصراخ براس العدامه واضرب مثل أصحاب الاريا السديده فوز(الرياض ) اليوم أكبر علامه من فضل رب كلنا من عبيده ثم همة رجال الوفاء والشهامه اللي تفانوا بالعلوم الوكيده تكاتفوا بدروب طيب وكرامه إلين أحاطوا كل يوم بجديده مؤسسة قامت على اسم اليمامة ثم اصدرت باسم(الرياض )الجريده صرح تشوقك شيمته واحترامه لجل اهتمامه بالقيم والعقيده هذي شهاده وافيه بالتمامه من شاعر حب القوافي يجيده
