(موادع): هذه نصيحتي لكم

يفتخر بلقب شاعر (الجزيرة) وسعيد بالأمسية التي جمعته مع الشاعر أحمد الناصر في حوطة سدير وبتعاونه مع الفنان المعروف محمد السليمان في العديد من القصائد المغناة..
إنه الشاعر محمد عبد الهادي السيف (موادع) الذي قدم هذه النصيحة لقراء (شواطئ)؛ حيث يقول:
لياك تشكي للمخاليق بلواك
شكوى لغير الله عيب ومذله
احدٍ بيفرح لا سمع منك شكواك
حتى قريبك صرت له حكوةٍ له
اشتك لمن هو دايم الدوم وياك
ربٍ كريم وخالق الكون كله
ولاَّ صديقٍ خابره داك ودواك
يستر عليك اليا حصل منك زله
الوافي اللي لا قسا الوقت ذرَّاك
وإلى جلست بمجلسه ما تمله
لياك تسمع هرجةٍ فيه من ذاك
نمام خاين والحكي عادةٍ له
وقت الرخا تلقاه ولا حتجت خلاَّك
ما قدّرك يومك تجي فازعٍ له
ترى الردي وإن طاب في يوم ينساك
خسران من خط الردي ساعدٍ له
هذي نصيحة واحدٍ جاه ما جاك