ظلام ليل

وانا الذي ما اصدق انك تخلا
انت الذي بنيتلك في الحشا بيت
بيتٍ عن عيون البشر مستقلا
وانته مناي من البشر لو تمنيت
متى عيوني من نظركم تملا
قلي وش اسباب الجفا يوم صديت
هذا زعل والا علينا تغلا
يا ما علشانك تعبت وتعنيت
وازعلت نفسي لاجل نفسك تسلا
وما تطلبه يا نور الاعيان لبيت
لبيت مطلوبك ولا قلت كلا
واليوم يا غض الغصن يوم قفيت
عزيت نفسا ما رضت بالمذلا
ومسحت دمع فوق الاوجان هليت
من يوم راح الى نحبه ولا
وأبشرك من جرح حبك تعافيت
لا عاد لك في وسط قلبي محلا
وهذي نهاية حبنا يوم حبيت
ظلام ليل وعن عيوني تجلا
نواف زبن الشغار