لاجيت في ريضان نجدٍ تعافيت

أنا على حب البداوة تربّيت
وقلبي على الماضي تزايد حنينه
وِدّي بروضٍ فيه ياما تمشّيت
ملّيت من زحمة قصور المدينه
لاجيت في ريضان نجدٍ تعافيت
يجلى حزن نفسٍ من أول حزينه
والبِل وْشوف النار مع ربعة البيت
إمسودسٍ لأهل الكرم ناصبينه
يحرم عليّه غيرها ما تمنّيت
وعُمر البنادَم للفنا خابرينه
كتبت ما في داخل الصدر وأبديت
وعسى مطر خطّى بشوفه بعينه
هيّض عليّه منزلٍ يوم مرّيت
كنّا من أول يا مطر نازلينه
عنده وقفت وصافي الدمع هلّيت
والكف قمت أصِفق يسِاره يمينه
ورحت أسأله ماشِفت وإلا توَحّيت
اللّي سكنك العام هالحين وينه
شعر: بندر بن حسين المرشدي