ريف لربعه

مرثية في الشيخ مترك بن شفلوت
شيخ شمل قبائل عبيدة (رحمه الله)
ياالله طلبتك يا عظيم الجلالي
ياالواحد المعبود علام الاسرار
تنشي من الوسمي حقوق الخيالي
وتمطر على قبر سكن فيه ابو ذعار
تسقي ثرا شيخ عزيز وغالي
شيخ على صعب المواقيف بتار
شيخ يشيل الحمل شيل الجمالي
ما يشتكي جور الليالي والاقدار
ريف لربعه والرفيق الموالي
وسعد العواني مكرم الضيف والجار
عسى مذاقه صافيات الزلالي
في جنة الفردوس يحجب عن النار
مع الصحابه في نعيم وظلالي
على الارائك بين ريضان وانهار
وعسى العوض في مقبلات الليالي
في ذيب واخوانه طويلين الاشبار
يا ذيب يا نسل الزحول الرجالي
يا حر يابن الحر يا نسل الاحرار
يا نسل من يثني خلاف التوالي
ربع نهار الهوش تقلط على الحار
الله يثيبك ياكريم السبالي
واصبر ترا المسلم على الجور صبار
عاداتكم كسب العلوم الجزالي
ابوك وجدّك له تواريخ واذكار
وصلاة ربي عد ما ابدا الهلالي
على النبي المصطفى خير الاخيار