طرائف الشعراء

كان الشاعران الكبيران فلاح العراك المطيري والشاعر صحن بن قويعان المطيري منومين في مستشفى قاعدة حفر الباطن.. فقد قال الشاعر فلاح قصيدة يصف حاله حيث يقول مسنداً على الشاعر صحن:
يا صحن عقب الفياض ومنازلها
نازلن في غرفةٍ طول متريني
ورجلك اليمنى الرماتيز عاقلها
عقب طردك للبنات المزايني
غافل الدنيا تصيده حبايلها
ما قضب رجيلك عود الرجليني
يوم شربت كل عينٍ بلايلها
يا صحن في غرفتي ما مرحت عيني
رب عجل بالفرج لا تطولها
واشفنا يا خلق آدم من الطيني
أجلنا عندك والأرزاق كافلها
والطبيب أدواه ما هو بمحييني
وقد أجابه الشاعر صحن بن قويعان بالأبيات الآتية:
يا فلاح أنس الحياه أو مشاكلها
معك أمانه خلني لا تجزيني
المنازل ذيك ماني بجاهلها
ذقت فيها زين الأيام والشيني
وضيقتك ليه أسبوع امتحملها
مير كاميها ما با الناس توحيني
نرغب الدنيا وهاذي فعايلها
ما عمر فيها دمر كود ثنتيني
صدقةٍ تجري وباكر تحصلها
وصالحٍ يطلب من الله لك الزيني
من عطاه الله له أيام كملها
اطلب الله يوم نصب الموازيني
يوم تدري كل نفسٍ بحاصلها
تشخص الأبصار والدرب دربيني
وإلى اللقاء مع موضوع آخر،،، ولكم تحياتي،،،