الخافي المستور

يا ليت الليالي تكشف الخافي المستور
على شان اعرف وبعض الأشياء أتجاهلها
وأماشي زماني واعطي الشور واخذ شور
من الكفو وضعاف البشر ما نعاملها
وبانت لي علوم ومنها لحقني جور
ونفسي عزيزه يا الله انك تجملها
واخذت اتفكر في فصول السنة بتدور
بدبرت عظيم الشان محلا تزاملها
تدور الليال وبعضها ينبعث به نور
والأيام نور الشمس فيها يجملها
وشوف القمر لا طل ياتي معه بسرور
وحتى الثريا تفرح انه يوثلها
وأنا والثريا والقمر ما شهدنا زور
نقول الصحيح وما جهلنا مناهلها
بغيت الخلية والعسل دونه الدبور
وتبقى الخلية والعسل في مناحلها
يا وجدي عليها واشهد ان خاطري مكسور
ويا بري حالي ما دري كيف أبو صلها
وموقف زماني والله انه معي مخبور
مواقف زماني حالفِ ما يبدلها
ولي نفسٌ ما ترضى الهزيمة وأنا معذور
ونفسي حرام والله اني ما أذللها
مهدي بن مسفر بن عليان الحبابي