عيدك مبارك

العيد ذيك البسمة اللي على البال
عشرين عام وكنها لا تزالي
بسمه لها من وين مارحت مدهال
صباح عيد ومدلهم الخيالي
فيه المطر من صافي المزن همال
ومنه الفرح يطغى على الاحتمالي
يوم المشاعر مالها غير الإقبال
يسوقها صدق الغرام الزلالي
بسمه لها من بين الأعماق منزال
وتحقيقها حلم بعيد المنالي
بسمه تفوق الوصف في كل الأحوال
وتفوق كل اللي بوقتي جرالي
أشكالها تلغي مفاهيم الأشكال
وألوانها مثل الزمن والليالي
ما حال عن تفكيرها كل ما حال
أنا اشهد أني من بعدها الحالي
لا زال جرح فراقها والأمل زال
ولا غير جرح البسمه اللي بقالي
من بعدها تشابهت كل الأزوال
وصار الفرح بالعيد ماله مجالي
لا شك يا بوح القصايد والأمثال
يا الهاجس اللي بالنوايب مثالي
خلك المجروح المسافات مرسال
يمكن تجي واللي طرالي طرالي
قل للجروح ان الوعد يا وعد طال
وقل للجنوب للي سكن بالشمالي
عيدك مبارك يا بعد ضيقة البال
لا يا بعد جدك وعمك وخالي