ثوب الغرور

سافري يا بنت يكفيك الوداع
ارفضك يا بنت في ثوب الغرور
كيف بدلتي الحقيقة بالخداع
كيف بالاحزان جازيتي السرور
ما هقيت انك تحبين الضياع
لين ضاق الكون في عين الصبور
كنت انا والفكر لاجلك في صراع
وكنت فيك مكذب صدق الشعور
ويوم بان اللي مخفيه القناع
نزف جرحي ابتدي بين السطور
يا فقير الحظ والدنيا متاع
المحبة ما لها بوقتي حضور
يبحر المشتاق ويخون الشراع
والعيون دموعها سالت بحور
يا سهير عذبه زود التياع
القمر ما عاد في طلته نور
كم قمر في الليل وعيون وساع
صورة احلى حلم قطعها السحور
التطبع ما يغير في الطباع
وكل شيء يبين مع مر العصور
وفي النهاية قلت لك حان الوداع
وقلت لك يا بنت يكفيك الغرور