ليلة فراقك

دام يا خلي ظروفي ماتروف
لي متى هالعمر تشتيت وضياع
في هوانا جرحنا دايم لهوف
حظّنا دوّم بنا في وسط قاع
وماتت بهمساتنا أحلى حروف
مات مرسول الهوى وطاح الشراع
وامتلت بدموع فرقانا كفوف
والله إنّا في الهوى ضمي وجياع
كلما سقنا الخطى تنكف نكوف
من عرفت عيونك السود الوساع
اعترفت إنك جمر في وسط جوف
آه يا حب تلاشى ثم ضاع
يوم بقعا وقفت دونه وقوف
إلهنا,, ليت الهنا في كل ساع
ما يجينا بس لحظات ويطوف
واهني اثنين حبوا بالتياع
ما يكدر صفوهم بعدٍ وخوف
كل ضيق جعل من بعده وساع
وتنجيلي شمس الضحى عقب الكسوف
الزمن يا بنت فرقى واجتماع
والوداع يصير وعيونك تشوف
الزمن يا بنت فرقى واجتماع
والداع يصير وعيونك تشوف
ما بقى عندي ولا أي انطباع
كيف ابحكي والظروف اهي الظروف
القدر يا بنت ما عنه امتنانع
لا انكتب لك ما على الدنيا حسوف
ليلة فراقك بلبس لي قناع
لا أناظر لا أعاين لا أشوف
ليلة فراقك بلبس لي قناع
لا أناظر ولا أعاين لا أشوف
ارحلي يا بنت واليوم الوداع
الزمن كابر وعيّا لا يروف
قديم الشوق