الموت حق

قدامنا خذا الرسل والصحابة
لاشك فاجعني خبر عاقل الزيد
اللي خذاه الموت بأول شبابه
مرحوم يا عاقل عشير الأماجيد
الماجد اللي صابنا من مصابه
عساه يرد الحوض وقت المواريد
وعساه في يمناه ياخذ كتابه
لعل له في جنة الخلد تخليد
والهم ذويه الصبر مدة غيابه
يا من عبيده له ركوع وسواجيد
محص ذنوبه له وهون حسابه
وجبر عزا الاصحاب في منبع الجيد
هاك القبال اللي رحيب جنابه
ضاقت على من الخبر شاسع البيد
لو ان ما بيني وبينه قرابه
حسب العوايد والشيم والتقاليد
وعشرة وزاد وملح وقت ولبابه
ارثاه بدموعي وحلو الأناشيد
لو كان من وائل وأنا من عتابه
عبيد عطالله العتيبي