شكوى

يا سعود قلبي مع المجمول قفا به
والعين تسهر من الفرقة شقاويه
يا سعود وش حيلة اللي قفوا أحبابه
ماله جدا غير بالروحات والجيه
لطف الحشا في ضميري بان مضرابه
وجدد جروح قلبي توهانيه
العين تسهر ومنه الحال منصابه
والطب في حالتي ما فاد لي شيه
الحال مني نحل كله من أسبابه
والزاد ما عاد له في كبدي شهيه
دايم عيوني مراقبةٍ على بابه
ودي بشوفه لو أنه ما حصل ليه
اللي دخل بالهوى ما حسب حسابه
يصبر على الحر عقب الظل والفيه
الدار من عقبهم وش عاد نبغابه
جعل الحرايق تولع في عصريه
يا زين ظلم المولع كيف ترضا به
حبك ملكني وأثر ما فيك ماويه