نار الغلا

بكتب قصيدة ودمع العين يسبقني
وهجوس قلبي على الطاروق فزاعه
يا زين أعشقك وبحر الشعر يعشقني
وأنا أعشق الشعر لجلك وأعرف اسناعه
نار الغلا في صميم القلب تحرقني
تطفي وتالع ولا تحتاج ولاعه
يا زين في بحور حبك ليش تغرقني
رميتني في بحور مالها قاعه
عاقل وكني مراهق وانت ترهقني
تامر وأنا اقول تم السمع والطاعة
لكن ابرجوك حذرا لا توهقني
بابور حبي وحبك جود شراعه
بيني وبينك عهد وشلون تسرقني
سرقت قلبي وخله عندك وداعه
صدقني انك ملكت القلب صدقني
دواه عندك وعندما سبة أوجاعه
بين الهجر والمواصل لا تعلقني
الوقت بيني وبينك طق باصباعه