ورقة قديمة

يا راكب اللي من ركاب الشرارات
لولا الرسن بالراس ما ينقويله
بنات حر من قديم عتيقات
ومعربات ما حووهن هميله
ضراب الضراب محفظات بشملات
كلش على اليد ما ضرابه جهيله
اكواعها عن نوش زوره بعيدات
طويلة النسنوس حمرا جليله
تجفل من اوهات العصى بالوهاتات
خطر على ركابها من شليله
لا روحت مع سهلة عقب الافخات
ركابها يفرح بشوف الحليله
تلفي على بيت الندى والمروات
بيت قديم ومن بعيد عنيله
تقلط على فرش الشيوخ النظيفات
تلقى عليهن مقحمين الدبيله
ويجيك قايم باليدين السريعات
بمبهر يغدى خوى الراس هيله
ولاجا العشا يقول يا خليف قم هات
صينية ينخون ناس تشيله
ما تنقل لولا حلاقه قويات
من قرح الخرفان وسمان حيله
قلطاتها ما تنحسب بالحسابات
وحطاطها عدة من طعس يشيله
وعقب العشا يرهم على الضيف نشدات
والضيف لابد المعزب يسيله