ما عاد أبي قلب,,!!

الصوت الآخر

ما عاد أبي طفلين,, ما عاد أبي قلب!!
أعذب أماني العمر,, ما عادت تفيد
فجأة دريت ان الهوى لعب,, في لعب!!
حبيب عمري,, كيف خان المواعيد؟!
أيبس ربيعي,, ما بقى داخلي عشب,,!
وشلون دور له بدا لي من الغيد؟!
وشلون انا,, ذليت نفسي,, بلا ذنب!!
يعني ينسى الآهات,,؟! باع التناهيد,,؟!
يعني حكاية حبنا,, كلها كِذْب؟!
ليته يحس بوحشتي,, لا غدا بعيد,,
العيد في قلب اليتامى ترى صعْب!!
حبه غدا بالقلب,, مثل التجاعيد
والحب ما يمحيه طيب ولا غصب,,
عجزت أبنسى والبلا دايم يزيد
والشوق طاير ,, كل سرب ورا سرْب!!
دونه غدا كل عالمي دون تحديد,,
دونه غَدَت احلام نفسي مع الدرب!!
يا الله عسى ما شوف ها العام انا عيد,,
يا الله عسى ما عاد,, يخفق بي القلب!
ريم الرفاع