يا صاحبي

من الجبال النايفات الرواسي
من عقب فرقى صاحبي صرت مجروح
وعيني جزت ماهي تذوق النعاسي
يا صاحبي ما أقوى على الهم والنوح
ومن زود همي ذاب عزمي وباسي
دنياك يالمجروح تركي على الصوح
لو أقبلت يوم يجيها انتكاسي
أهل الهوى ما بين ذابح ومذبوح
ايامهم تمشي عليهم عكاسي
ألعي كما تلعي حمام على الدوح
ومما جرى شابت مفاريق راسي
شوفة وليفي تنعش البال والروح
وتروي ظما قلبي وتجلي اعماسي
ليل الفرح يسري كما البرق له ضوح
وليل النكد ليل طويل وقاسي
أنا الذي هم الهوى جاحني جوح
وفصلت من هم المودة لباسي
هو مكسبي من دنيا الأوهام وجروح
وروح وأنا أعلنت منها افلاسي
دخيل بن سليمان الرومي
الزلفي