مدارات شعبيةعيدكم مبروك

والخزامى فاح ريحه بالعبير
عاد عيد العيد ياجعله يعيد
في امان وخير من رب خبير
عاد عيد العيد في يوم سعيد
والتهاني فيه تسجع من حرير
للمليك اللي عسى عمره مديد
يا عساه ايعود في خير كثير
خادم البيتين بالعهد المجيد
شامل فضله كبير مع صغير
غيث غاث الشعب لبى ما يريد
لين صار الشعب مافيهم فقير
به نزيد وبه نعيد وبه نشيد
نسجع التغريد مع طير يطير
القريب ايشوف فضله والبعيد
والصغير ايشوف فضله والكبير
لو بغيت أقول فيه امن القصيد
ما قدرت أوفي بحقه لو قصير
باذل المجهود بالجهد الجهيد
مزبن المضهود عد المستجير
يا الله المعبود يا رب العبيد
يا ولي الكون يا رب بصير
احفظه يا حافظ القول الأكيد
وامهله بسرور في عمر زهير
حبه المألوف يجري بالوريد
ما بعد هالحب حب له يصير
حل شعر العيد بالعيد السعيد
كل عام ايعيد وانتم بألف خير
عبدالله بن غازي العيد الحنيني