صدق الشعر

وما يعذر العاشق إلا من حاله
الخاطر اللي تشتت وين بآلمه
والقلب يعصف هواه وضاع مكياله
إن قلت ابكتب قصيدي يوم واتمه
صرت اتهجى حروف الشعر واعنى له
كن القلم ما عرف كفي ولا ضمه
شوق الأصابع وهي نشوى ومختاله
الشعر قرم كريم صادق الذمه
يوفي لوافي وتردف خيله رجاله
ما هو بخيل يحط ايديه في كمه
خوفٍ على المال من دنياه وعياله
لكنَّ نفسي على ما اشوف مغتمه
غنى لها الحزن طاروقه ومواله
حلت ثلاثين عمري وما هدى يمه
امواجه تحط من عزمي وتشتاله
وانا الربيع الذي يزهر على فمه
الحمد والشكر في حله وترحاله
يا صاحبي بي حنين المغترب لامه
واشواق عابد لشهر الصوم وهلاله
للماضي اللي شذاه يفوح واشمه
في الارض والزرع والوادي وغيّاله
ما مثل قلبي يكيل الشوق ويزمه
وما مثل عيني بحر الدمع هماله
لي صد وجه النهار الليل له يِمه
يممتها والهجوس السود نزاله
يا صاحبي تنشد الملتاع وش غمه
من بعد مالجمر شب وفاحت دلاله
ماني معلمك لكن بصرك وسمه
فليت سبحة شعوري وعقدة حباله
سلطان آل منيف القحطاني