التمرد نرفضه والشرع يرفض كل جاني

أيا وطنا حماكْ الله
عنْ كلّ مكروه وإرهابي
ما همّنا ما حصل للهِ
حنا على العهد قِضّابي
الخير فينا ولنا جلّه
حكومة وشبابٍ وشيابي
مع أبو فيصل حَماه الله
بحكمه ترى نومنَا طَابي
نعرف السّنع حَيل وندلّه
ونفدا وطنّا بالأرقابي
وحنا الدّوا لكايد العِلّه
اصلْ وفصلْ روس الأنسابي
واللي حصلْ صار من شِلّه
مغرورةٍ حِلمَها خَابي
غرِّر بهم والعدد قِلّه
تبي التظاهر والاضرابي
ناسٍ خساس ومختله
تقْتِل وتُقْتَل وتنصابي
والله فلا هم على مِلّه
يخسون ما هم لنا أقرابي
وأفعالهم كلهّا مضِلّه
يخسونْ يوم انفتح بابي
واللي نفسه بها غِّله
نلقاه وله الدوا عابي
ويا تايه الفكر من قله
ضيّعت نفسك والأحبابي
والحق مبيّن لنا كلّه
بليَّا نصايحك يا رهابي
نواف بن فراج خضير العنزي
القصيم - بريدة