عادة الطيب

حنا بشر ما نعلم السر والغيب
إلا مكان يشاف بمجرد العين
مير الليالي صانعات التجاريب
تعطي عن الحي المقابل براهين
طيب الفتى من عادته يسبق الشيب
ويشافله بيام وقته عناوين
نوه بعيد ودايمن رايه اصعيب
حيث الوفا والطيب ربعه صعيبين
للطيبين الطيب فرض ومواجيب
والارديين الملا عنه معفين
درب تجيبه للهداني نواشيب
وهذا هو اللي عاق عزم الرديين
من لا حصله بأول العمر تثليب
تال الليال ينشدنه عن الديْن
ومن جاد حظه زيد له بالتراحيب
واصغت لقوله حافلات الدواوين
وليا تردى صار كله عذاريب
لو هو من اللي بالمراجل هميمين
يقوله اللي مؤمن بالمكاتيب
من واحد تطلب رضاه المصلين