غربه

يا ناس أنا جرحي من العام ما طاب
عزي لمن يشكي جروح عطيبه
دمعي حبسته حاير بين الاهداب
وسط الحشا جمر تزايد لهيبه
يا ناس قلبي من عنا الوقت منصاب
جور الزمن يا ناس ربي حسيبه
ويا ناس دلوني على درب الاسباب
مدام حظي عاثر به نصيبه
اعيش وقت ما حسب ليه احساب
بين الأهل واعيش كني غريبة
غربه احس إبها وانا بين الاحباب
صحيح هالدنيا تراها عجيبه
نعيش فيها كننا مثل الاغراب
العيب فينا لو زمنّا نعيبه
ما عاد أنا اقدر لصبر خافقي ذاب
كله من جروح بقلبي عطيبه