برق الشعر

الشعر له اوزان وبحور واغراض
متعدده وانا على الطيب مبداي
اعرف مواضيعه طويلات وعراض
واليا ورت ارويت من كف يمناي
من يوم برق الشعر في خاطري ناض
فصلت تفكيري على قد معناي
الشعر غبة بحر ويحيط بفياض
فيه الدرر والحض حابل ورماي
ليت القصايد تعرض بساحة عكاظ
مثل الزمان اللي مضى غاية امناي
حتى يجي للشعر فاتل ونقاض
ويصير للنقاد بالمعرفه راي
كود التراث ايطيب من بعض الامراض
من عالمٍ حاسوه رايح وذا جاي
ماخص لاعايض ولاخص عواض
اليا سريت اقص دربي بمسراي
وان كان هاض الفكر وان كان ما هاض
مانيب احط الداب الاسود بمخباي
لاشفت مالي مع هل الخيل مركاض
سويت لي دله وقربت مركاي
اهم شي الصبر لو كنت مغتاض
لا ازعل اصحابي ولا افرّح اعدادي
صالح بن عبدالرحمن الصالح الناصر /الزلفي