ورقة قديمة

يا الله يا اللي كل امر تسويه
انت الكريم ولا تقفي قصاوي
يارب ياجياب مزن ممشيه
يا والي الدنيا على الناس قاوي
لا عاد ما عندك حلال تراعيه
فقير ما عندك نياق وغناوي
اسرح بلك ذود بعيد تواليه
ترى النصيحه تنشرى يا العماوي
حسرت قليل المال واقل واليه
لو هو بوسط الناس عده خلاوي
ماله صديق با المحبه يصافيه
وعزي لحاله ما لجرحه مداوي
تلقا كثير المال متمدري فيه
لو هو من الغلمان عطب الاهاوي
الشور عند اللي غلاض علابيه
كانه من البدوان او صار شاوي
وجدي على ذود مع الدو نتليه
وعزي لحال اللي حلاله مناوي
ووجدي على اللي يقطعون الرهاريه
قلبي على كل المراجل شفاوي
ووجدي على مهره من الخيل غاذيه
تجفل من اصوات الغنا والحداوي
ووجدي على بيت عذيه مبانيه
تلقى به الخطار وايضا الفداوي
الطيب اللي طاب حظه يقديه
والطيب ماهو باالحكا والهزاوي
الطيب تلقى النور في وجه راعيه
بتقلط المنسف ودق القهاوي
والطيب اللي دوم سيفه يباريه
وعند القرايب ما ذكر له شكاوي