وادي سجا

لاسقا الله كل جرحٍ في معاليقي لجا
بين حدب ليّنات وغصنها غصنٍ ندي
لاسقاه الله وانا اللي بين ياسي والرجا
شلت حملٍ ما يطاق ولاهتنيت بمرقدي
تلعب بقلبي رياح الود واصرخ ياسجا
جيتلك جيّة غريب ولاش حل في يدي
آآآآه انا من وين اروح ولا عن الهم محجا
ضايق صدري وليلي ليلٍ اظلم سرمدي
كيف انا بسلى وقلبي من جروحه مانجا
والسؤال اللي ذبحني.. وين غاية مقصدي
وين من حبّه تعلا ثومة القلب وفجا
غاليٍ في نظرته تاريخ فرحي وسعدي
كل ما شرق لي بوجهه وانفهق ليل الدجى
شفت وجهٍ بالبشاشه والتباشير اجودي
والله ان قلبي لغيره بالمحبه مارتجا
طامع به مير حظي في رجا وصله ردي
وينه ايداري عليّه من عنا جرح لجا
بين حدبٍ لينات وغصنها غصن ندي