نادر حرار

وماكر الحر بسعود
النادر اللي فيه ميزة هل الكار
الهيلعي الصيرمي ماكر الجود
أشقر شهير ماكره واف الاشبار
عبد العزيز اللي به العز موجود
هذا أبو راشد كل الأوقات ما غار
ما غار طيبه.. دايما يطلب الزود
أبا أمدحه لحيث بالمدح تعبار
وأبا اشكر اللي باذل كل مجهود
فوق الكرم والطيب في والده بار
حاز النجاح اللي تكلل به الفود
هذي مشاعر شاعر ضمن الاشعار
في مدح من يرقى العلا دوم بصمود
ما مقصدي والله على شان دينار
لكن صحيح وكل ما قلت ماكود
مثل الذهب ما يدخله كل شبشار
عبد العزيز اللي نهج منهج العود
حيث ان له عندي معزه ومقدار
وحب الولاء ما فيه عيب ومنقود
وصلاة ربي عد ما طاير طار
على محمد عد ما هبت النود
مفرح بن مليحان العنزي