أسرار

ومضمونه يشاف من برا
والا الخوافي بدون حدود
بالسين تحفظ وحرف الرا
من عايش الواقع المقصود
يقدم الحق ويبرا
الطيب ثابت مع اهل الجود
ماهوب تركيبه تغرا
بعض الاوادم يحب الزود
في نفسه يشوف ويورا
وان جيت للفود ما من فود
حاله من الواقع يعرا
لا قيل سالم من المنقود
يطرب مع المدح ويسرا
لو ماله من الزمن مردود
لكن على افعاله يجرا
يمزج حلا البيض فوق السود
ويصادم الحجة الغرا
للحق بين الرجال شهود
لا يمكن يشاف ويذرا
أحمد سعود الحمد - الزلفي