يالله عسى ماواه جنات رضوان

في رثاء العقيد بالحرس الوطني عايد بن غثيث العنزي رحمه الله:
يا عين هلي دمعك اليوم هتان
على الفقيد اللي رحل يوم الاثنين
في فقدته تجمعت كل الاحزان
صارت محطات الحزن لي عناوين
مرحوم ياللي كان للطيب عنوان
هو الذي للطيب صاغ البراهين
مرحوم ياللي كان للعز نيشان
مرحوم ياللي كان عوق العديمين
تبكيك ثكلى ما لها عون واعوان
ويبكيك عودٍ طايحٍ عدة سنين
وتبكيك يا عايد عجايز ويتمان
ويبكيك يا عايد قريب وبعيدين
لك سيرةٍ بالطيب ما مثلها كان
يابو اليتامى والضعوف المساكين
يا الله عسى مأواك جنات رضوان
والله يقسم لك حياة السعيدين
ويجعل لك الفردوس منزل ومسكان
أدعيك يا منزل تبارك وياسين
تلهم لنا يا رب صبرٍ وسلوان
صرنا عقب فرقاه مثل الغريبين
لكن طريق الحق ماضي بالإنسان
واللي انكتب لازم تشوفيه يا عين
ويا لله يا للي فارضٍ خمس الأركان
تجبر عزانا بالرجال العزيزين
عايد بن حطاب الموينع العنزي