ضمن فعاليات الحملة الوطنية الشاملة للتوعية الأمنية والمرورية الثالثة تحت شعار (أعقلها وتوكل) وضمن تنظيم اللجنة الاعلامية الفرعية لشرطة المنطقة الشرقية وبحضور رئيس اللجنة الاعلامية الفرعية المقدم الدكتور بندر بن محمد المخلف ورئيس اللجنة الشعرية في الحملة الشاعر والصحفي قبلان السويدي ومدير تحرير مجلة أصداف الاستاذ سامي المرشد وعدد من محبي الشعر وفي وسط جو تألق فيه الحرف وسمت المفردة الجميلة في جو شاعري بديع على ضفاف الخليج العربي وفي معارض الظهران الدولية حيث التقى محبو الشعر مع امسية مبدعة للشاعر زبن بن عمير والشاعر تركي المريخي والشاعر مشعل المحيا وادارها الاعلامي حسين الفالح الذي قام بتقديم الشعراء واعطاء نبذة عنهم ولكن لم يطول لان الشعر ينتظره محبوه وكانت هذه القصيدة للشاعر تركي المريخي منها: الحرف حرا في عنا السما حام وده يسولفلي عن اللي يريده والحرف محمي مايبي درع وحزام لازم اعيد الحرف لازم اعيده الحرف علما يرتفع فوق ووسام والحرف فكرا علق الروح بيده والحرف له روح بلا جلد وعظام يكتب مشاعرنا ونقرا جديده والحرف حلما عايش بين الاحلام يالله عسا دايم اعلومه سديده والحرف طفل يرتعش بين الاقلام والطفل خلف بالنهاية قصيدة واردفها قصيدة اخرى منها: يابنت من يتعب على الطيب ويحوش ولا خير في رجل من الطيب ما حاش يابنت انا ماني مع الناس مربوش اخشى من العاقل ولا اخشى من اللاش ماهوب حبي يا اتلع الجيد مغشوش وغيرك حشى للقلب يالزين ماناش ياجارح قلبي ترى العلم مفتوش واعروق قلبي يا ابيض الخد عطاش يا نور عيني ماتبي درع وجيوش جفنن تلحف به وجفنن لك افراش ولم يطل الوقت حيث جاء الشاعر زبن بن عمير في قصيدة منها: ياشمع لو تضوي بعد نصف ساعة ماضن ينفع نورك اليوم ياشمع الليل مظلم مال لنورك مناعه الليل ضالم وانت نطفيك في دمع ياشمع ما عينت بعض الجماعه اللي على نورك سرو ليلهم جمع ضاعو وهم لليل اصلا وداعه ولا حداً مشاهدهم ولا احداً سمع سمع تبعتهم للصبح حتى انقطاعه الدرب نوب القاه ونوب ارمعه رمع بعض العرب ياشمع يكتب ضياعه ساعة يلاحق مالمع بالنظر لمع وبعض العرب يغويه كثر اندفاعه ولا يفيق إلا ايلامن قمع قمع ثم تلاها قصيدة اخرى منها: رحلتي مابقى للدمع في عين الحبيب اجفان رحلتي ليه ماشلتي بقايا اجمل اشعاره رحلتي لكن الذكرى واطلال ودمع انسان تركتيها اجل وش ياخذ اللي مبعد اسفاره رعاك الله يا اعذب من جرحني طعنته تحنان رعاك الله ياللي معطيتني عمر وازهاره وفيتي ماهفيتي ليت لجروح الحبيب اثمان ابشري كل طعناتك وليلك واشري اقماره ولكن مابقى غير اذكرك يالجادل الفتان واشوف الدرب يمشي بي سوات اللي نصى داره يلف الدرب لين اني على بابك اجي بلشان ياكيف ان الزمن يلعب علي ابلعبت اقداره وبعدها كان اللقاء مع الشاعر مشعل المحيا بقصيدة منها: البارحه ضاقت علي وهب بالقلب البراد واهتز خفاقي وكله من تحت راس السنين على الطريق اللي ورا الثقبة يوصل للبعاد شافتني الدني وانا اهرب عن عيون الاخرين ليلية رحيلي للديار البعيد ويموت العناد وابقى على اطلال الامل لو لحظة مره اللي وقف ضدي وشق كل صفحات الرقاد واقول للتاريخ لاتشره على القلب الحزين وابوس راس اللي كتبه الله على قلبي وراد ومن الليالي على نفس ماتخون الطيبين استغفر الله العظيم اللي تهز اله العباد في ساعة تشهد على ما قدم المرء الايدين ثم اردفها بقصيدة اخرى منها: سريت يا سلطان ليلاً ذكر القلب الجريح شياً على بالي وانا ناسية من كثر الجراح النور يا سلطان مايحجب هذا العلم الصحيح اقفل و علم به هزيل الريش مكسور الجناح حطه على بالك عبر والباب صكه واستريح صكه قبل يا المحترم تدفن معالمك الرياح والله يبيحك يارفيقي والله انه لايبيح اللي رماني بالحجر قدام خلق الله وصاح اللي لعب بالنار مره واحرقه كثر المديح اصبح رماداً يضحك اللي طول عمره ما استراح الدله اللي صرم الطرقي لها قبر وضريح ماتت خجل في مهجتي بين التشره والسماح وقفلت صفحتها من التاريخ والتاريخ ريح هبت وانا قفلت باب الليل في وجه الصباح ويعود الإبداع مع الشاعر تركي المريخي بقصيدة منها: كل القصايد فيك لاجا مجالك يفز لك حرفي وشعري يغنيك اما كذا نكتب ويستر بالك والا بلاش من الحكي يامحاكيك توك تقول اليوم جوي صفالك الله لو تدري عن احوال مغليك تعال علمني عن اللي جرالك ما اذكر ان قلت في يوم ما ابيك لو قلت لي وين انت وشلون حالك حالي معك دايم وكني مخاويك القلب قبل الرجل يمك عنالك لاصرت كل الحب وشلون ماجيك وبعدها يحلق التميز بقصيدة للشاعر زبن بن عمير منها: ليلاً بدا مابين توديع واوداع ثم انقضى مابين سكر واسكر ليلا هجدني فيه دمعات واوجاع وكل.... للبال دايم يعكر وادعت فيه اللي له القلب نزاع والعقل به ياحول دايم يفكر وكني موادع قلب ولسان وسماع وما عاد لي غير الصور به اذكر رح في امان اللي خلق فيك الابداع وبعدك عن الزينات قلبي مسكر وان كان في شوفتك عوده للاوضاع ليت الظروف ابشوفتك لي تبكر ثم يستقبل محبو الكلمة التألق من قصيدة للشاعر مشعل المحيا منها: هني اللي ليا نامت عيونه ماتجيه احلام واذا سهرت عيونه ماخطر خله على باله هنيه ياولد عمي ايلامنه سهر وان نام هنيه ماخذاه الحب يم دروب بطاله انا اهنيه من قلبي واهني غايب له عام واهني كل سكان الرياض ونجد ورجاله الى ان قال: توقع وانتبه للي يشوف ان القصيد اصنام عبدها من عبدها لين صار الشعر يرثاله انا اشوف الحروف اضعوف واشوف الكلام ايتام واشوف ان الشعور اقبور محفوره ومنهاله واشوف الحب ماله طب والاحلام حذف الغام زرعها في طريقي مترف يجفل من اظلاله ليا هب الهوى البارد على قلبي شجن وآلام وتنبهت ولقيت الربع كان راح في حاله الحضور جميل وكانت هناك عدة مداخلات وتطرق لعدة مواضيع تهم الساحة كما تم طلب قصائد من الشعراء من قبل الجمهور وفي الختام قام المقدم الدكتور بندر المخلد بتسليم الشهادات لفرسان الامسية وعريفها.
