ورقه قديمه

هات القلم نرسم من الحبر مكتوب
وارجي الولي يرجع لنفسي شفاها
والصبر يذكر بالدلايل على صوب
والنفس تغدي من تتبع هواها
عندي خبر صبر الفتى يقضي التوب
والنار توجع من برجله وطاها
ودنياك هذي بالمشقلب ومقلوب
وعجزت اميز وجهها من قفاها
وان سانعت لك سنعت كل مطلوب
وتسقيك من لذة مشارب حلاها
وان عاكست عن السنع تغلق البوب
تمشيك ممشا الليل وانت بضحاها
ما بين شرق وغرب تفتح لك دروب
وتقدر على الانسان وهو ماقواها
وتاعد له الدنيا مواعيد عرقوب
وتقفي كما خيل تبارق حذاها
والصبر معروف وللاجواد ماجوب
وكل يموت وحاجته ماقضاها
انا لقيت الطيب بالعفن عذروب
ولو انت تسوي طيبه مااشتهاها
هراج بالوجهين حشاش عرقوب
يفرح بغرات العرب يالقاها
يا اللي شفيت من المرض حالة ايوب
من علة له ضرته واشتكاها
عبدك وابن عبدك له احسان وذنوب
يا اللي عليك النفس تبدي خطاها