نفحات المدارات

هناك أبيات من الشعر تمر بنا، نقف معجبين بها، ونحاول ألا ننساها ونرددها، لما ضمنها الشاعر من فكرة أو صورة أو تعبير، أيضاً قد يكون منها أبيات القصائد، فعندما تسمع قصيدة يمر بك بيت شعر منها، متضمناً الفكرة والصورة والتعبير التي جعلت الشاعر ينظم هذه القصيدة، وهو مايسميه الشعراء بيت القصيدة.
وإليكم أعزائي هذه الأبيات المختاره من الشعر:
صراحة
اشوف بعدي عن وجودي نفعني
على الأقل ارتاح ياصاح بالي
كثر التأمل ياعزيزي رفعني
عن مستوى التفكير باللي جرالي
اللي عطيته كل حبي صفعني
بالغدر يالله.. وين ذيك الليالي؟
تاريخ حظي يوم خبري خدعني
واليوم حالي كافي عند سؤالي
الأمير سعود بن بندر «رحمه الله»
وصية
من طاوع النفس والشيطان والهوى
يصبر على علته والنفس يقرفها
ماطعت ماقال الاول يوم قال لي
ترى المذله وضعف النفس يضعفها
سليمان بن شريم
رجوله
من عافنا ماهو لنا راس مال
ومن باعنا بالدون بعناه بخلال
اللي ورد برجال يشرب زلالا
وينزح المعدوم لو ورد بحبال
قالوا تجمل قلت ياهل الجدالا
العز ينعش مثل ما الضيم قتال
محمد بن ربيعه
لحظه
الله من ثوب شريته بغره
ثوب حداني للشقا والقراده
ارقع فتوقه كل ماجيت أقره
واقول يمكن فيه خير وسعاده
رميت في بير بلا قاع سره
عمن عيونه مثل عين الجراده
احمد القسامي
غزل
بس حلو اللسان ومعه شبه ابتسامه
يطعن القلب برموشه وعينه وسيعه
يا مليكة جمال الحسن فيكم وسامه
وان بدا رد من بعض البني ماتطيعه
حمد المغيولي رحمه الله