نفحات المدارات!

هناك أبيات من الشعر تمر بنا، نقف معجبين بها، ونحاول ألا ننساها ونرددها، لما ضمنها الشاعر من فكرة أو صورة أو تعبير، أيضاً قد يكون منها أبيات القصائد، فعندما تسمع قصيدة يمر بك بيت شعر فيها، متضمنا الفكرة والصورة والتعبير التي جعلت الشاعر ينظم هذه القصيدة، وهو ما يسميه الشعراء بيت القصيد.
وإليكم أعزائي هذه الأبيات المتفرقة من الشعر.
صراحة
ان تفارقنا لعله فيه خيره
الغرام يفسده كثرة خصامه
إكتشفنا كلنا مر الحقيقة
ليش نخفي روسنا مثل النعامه
بيني وبينك مكان الحب ولى
بس لاحدٍ يحرج الثاني كلامه
الأمير سعود بن بندر رحمه الله
وصية
حليف المذله لاتطاوع مشورته
ولا بغى لا ماك حذراتلايمه
ترى الفتى بالعقل يدرك مرامه
يخيف عدوانه وتقوى شكايمه
إتبع طريق العدل والطيب والنقا
احذر لحظك لاتبيعه لسايمه
الأمير محمد أحمد السديري رحمه الله
رجوله
أنا جزمت انساك يا زين وانزع
اللي بقى من حبكم في ضميري
مثلي عزيز النفس عنك يترفع
دور هبيل افواد مثلك غريري
الأمير خالد الفيصل
لحظه
يا ناس بالله لاتصيرون ضدي
من لاهرج بالعدل يكفي سكاته
يا ناس مجروح الضمير المودي
خلوه يدله ساعة في حياته
يا صاحبي ماهو بودك وودي
لو ودنا كل تخير مناته
الشاعر مرشد البذال
غزل
يا ملاك الروح لا لا مايصير
خل نور الصبح ينعشني ضياه
لاتمد ايديك للشعر الحرير
هز راسك وارفعه يرجع وراه
الشعر وده على العاتق يطير
مثل شرطان الذهب واهج سناه
الأمير عبدالعزيز بن سعود «السامر» - أحمد القباع