نفحات المدارات

هناك أبيات من الشعر تمر بنا، نقف معجبين بها، ونحاول ألا ننساها ونرددها، لما ضمنها الشاعر من فكرة أو صورة أو تعبير، أيضاً قد يكون منها أبيات القصائد.
فعندما تسمع قصيدة يمر بك بيت شعر منها، ضامناً الفكرة والصورة والتعبير التي جعلت الشاعر ينظم هذه القصيدة، وهو ما يسميه الشعراء بيت القصيدة.
صراحة
ما فيه بالدنيا مواطن وملاك
كل يسير وعابر في سبيله
لابد من يوم وعذارك تنعاك
ولابد من ينقال هيا نشيله
كانك تحسب انك مخلد بدنياك
فكر وناظر وين جدك وجيله
عبد الله بن عمار
وصية
لا تاخذ الدنيا خراص وهقوات
يقطعك من نقل الصميل البرادي
لك شوفة وحدة وللناس شوفات
ولا وادي سيله تحدر لوادي
عبد الله بن سبيل
رجولة
أنا جزمت انساك يا زين وانزع
اللي بقى من حبكم في ضميري
مثلي عزيز النفس عنك يترفع
دور هبيل فواد مثلك غريري
خالد الفيصل
لحظة
لا تفتحين الجرح تكفين يا نوف
اقسى الكلام اللي يمر بليانه
هاجرت بظروف وعودت بظروف
ما اذكر جزيت اللي وفا بالخيانه
ول يا زمان الذل والعار والخوف
ول يا زمان الواسطة والميانه
طلال حمزة